#မိန်းမမာယာသဲကိုးဖြာဘုန်းကြီးအလည်နဲ့တွေ့သောအခါ
******************************
#တစ်ခါတုန်းကဘုန်းကြီးတစ်ပါးဟာ
ဆွမ်းခံပျင်းတော့ နေမကောင်းလို့ ခေါင်းမူးလို့
အဲဒီလိုအကြောင်းအမျိုးမျိုးပြပြီး ဒကာမအိမ်မှာ
မကြာခဏဆွမ်းသွားစားတယ်။ခဏခဏဆိုတော့ ဒကာမလည်း သဒ္ဓါတရားပျက်လာတာပေါ့။
တစ်ရက်တော့ ဘုန်းကြီးက
ဗိုက်နာလို့ဆွမ်းခံမထွက်နိုင်ဘူးဆိုပြီး ဆွမ်းစားရအောင်သွားပြန်တယ်။
#ဒီတစ်ခါတော့ဒကာမက
ဒီဘုန်းကြီးပျင်းကို ဆွမ်းမကပ်ရအောင် #ငါ့မာယာနဲ့ ပထုတ်မယ်လို့ကြိမ်းဝါးပြီး
ခုလိုပြောလိုက်တယ်။
#အရှင်ဘုရားတပည့်တော်မအိမ်မှာဆန်ပြတ်နေလို့ဆွမ်းကပ်စရာမရှိဘူး။
ဒါပေမယ့် တစ်ခြားအိမ်မှာရှိလို့ရှိငြား ထွက်ချေးကြည့်ဦးမယ်ဘုရားဆိုပြီး ဗန်းကလေးဆွဲထွက်သွားတယ်။
#ဘုန်းကြီးကအလည်ဆိုတော့
ဒါ ငါ့ကိုညာတာဖြစ်နိုင်တယ်ဆိုပြီး
ဒကာမထွက်အသွားမှာ မီးဖိုချောင်ထဲဝင်ပြီး
ထောက်လှမ်းရေးလုပ်တော့တာပေါ့။
အိုးထဲဖွင့်ကြည့်လိုက်တော့ ငကျွဲဆန်တွေအပြည့်တွေ့ရတယ်။
ပြီးတော့ ဆီ ငါးရံ့ခြောက်ပြား ကြံချောင်းကြီးတစ်ချောင်းကိုတောင် နံရံမှာ ထောင်ထားတာတွေ့သွားတယ်။
#ဒကာမကတော့
သူ့လုပ်ရပ်အပိုင်ပဲဆိုပြီး တစ်ခြားအိမ်က ခဏနေတော့ပြန်လာတယ်။
အိမ်ရောက်တော့ တပည့်တော်မ ဆန်ချေးလို့လည်းမရဘူးဘုရား
ဒါကြောင့် ဒီနေ့တော့ ဆွမ်းမကပ်နိုင်တော့ပါဘူးဘုရားဆိုတော့
#အဲဒီဘုန်းကြီးက ထင်သားပဲ
ဒါကြောင့် လမ်းမှာ မဟုတ်တာကြီးနဲ့ ကြုံရတာပဲလို့ပြောတော့
#ဒကာမက ဘာမဟုတ်တာကြီးနဲ့ကြုံရတာလဲဘုရားလို့မေးလိုက်တယ်။
#ဘုန်းကြီးက ကျုပ်ဒီအိမ်ကို အလာလမ်းမှာ
မြွေဟောက်ကြီးတစ်ကောင်နဲ့ တွေ့တယ်ဗျာ။
ရှည်လိုက်တာ မပြောပါနဲ့တော့ဆိုတော့
#ဒကာမက ဘယ်လောက်များရှည်လို့တုန်းဘုရားဆိုတော့
#ဒကာမမီးဖိုချောင်ထဲက ကြံချောင်ကြီးလောက်ရှည်တယ်လို့ဖြေလိုက်တော့ ဒကာမလည်း "ဟင်"ဆိုပြီး အံ့သြသွားတာပေါ့။
တစ်ခါဆက်ပြီးပြောတယ် ကျုပ်ကိုမြင်တော့ဗျာ
မြွေဟောက်က ဒေါ်သတကြီးနဲ့ပါးပျဉ်းကြီးကို
ထောင်ပြလိုက်တာ
အဲဒီပါးပျဉ်းကြီးက ဒကာမကြီး မီးဖိုချောင်ထဲက
ငါးရံ့ခြောက်ပြားကြီးလောက်ရှိတယ်ဆိုတော့
ဒကာမကြီးလည်း ဟောတော့ ဆိုပြီး
အံ့သြသွားတယ်။
တစ်ခါမြွေဟောက်ကြီး ကျုပ်ကိုပေါက်မယ်ဆိုပြီးအစွယ်ကိုဖြီးဖြီးပြတယ်၊အဲဒီအစွယ်က ဒကာမကြီး ဆန်အိုးထဲက
ငကျွဲဆန်စေ့လောက်တော့ရှိတယ်လို့ဆိုလိုက်တော့
# ဒကာမကြီးလည်း
ကဲ ကိုယ်တော်ဘုရား အေးအေးဆေးဆေးပဲနေပါတော့ တပည့်တော်မ ဆွမ်းချက်ကပ်ပါတော့မယ်လို့
လျှောက်လိုက်ရပါတော့တယ်•••••••••••••
အညတရ အရှင်သောပါက မြိုင်
# ပြန်လည်ကူးယူမျှဝေပါသည်
#လူကြီးမင်း
Comments
Post a Comment