ဒါမှကျော်ကြီး ကွ😁
“အမေ့...
ကျွန်တော်တို့ ဒီအိမ်ကြီးရောင်းလိုက်ရအောင်”
ရုတ်တရက်ပြောလိုက်တဲ့ကျော်ကြီးစကားကြောင့်..ဒေါ်သီတာတစ်ယောက် မွှေလက်စဟင်းအိုးပင် ဆက်မမွှေနိုင်ပဲ....
“ဟဲ့...ဘာလုပ်ဖို့ရောင်းမှာတုန်း..မင်းက ဘာစီးပွါးရေးများလုပ်ချင်လို့တုန်း”
“ဟင့်အင်း...ကျွန်တော် သိန်း၂၀၀၀လောက် အလှုအတန်းလုပ်ချင်လို့ပါ☺️”
“မြတ်စွာဘုရား..သိန်း၂၀၀၀လှုချင်လို့ဟုတ်လား”
“အွင်း”
“စေတနာ သဒ္ဒါတရားကောင်းလှချေလား..သာဓုပါတော်..ဒါနဲ့ ရုတ်တရက်ကြီး မင်းကဘာလို့အလှုအတန်းလုပ်ချင်သွားရတာတုန်း..ပြောစမ်းပါအုန်း”
“အမေ့အိမ်ရောင်းရင် အခုနေ သိန်း၆၀၀၀လောက်ရနိုင်တယ်လေ..အဲ့ထဲက သုဓမ္မမဏိဇောတဓရလိုမျိုး ဘွဲ့ရဖို့အတွက် သိန်း၂၀၀၀လှုမယ်...ကျန်တဲ့၄၀၀၀က ဘွဲ့ယူရင်ဝတ်ဖို့ ရွှေပုဆိုးချုပ်မယ်လေ”
“ဒါဆို အိမ်ရောင်းပြီး ငါတို့လင်မယားကဘယ်သွားနေရမှာတုန်းဟဲ့”
“နေစရာများပေါလို့ဘ..ပူမနေနဲ့..ဘယ်ဘိုးဘွားရိပ်သာကြိုက်သလဲသာပြော..အခုကတည်းက ကျွန်တော်စာရင်းပေးထားလိုက်မယ်”
“အယ်..အဲ့ဂလို”
“ဟုတ်...”
“နင်က ဘာဘွဲ့တွေညာဘွဲ့တွေရချင်တာပေါ့ဟုတ်လားကျော်ကြီး”
“အင်းပါဆို”
“လာ...ဒါဖြင့်ဘွဲ့ယူဖို့သွားကြစို့”
“ဟာ...တကယ်လားအမေ..မြေပွဲစားဆီ အိမ်သွားစပ်တော့မှာပေါ့..ဟုတ်လားအမေ”
“လာပါ...စကားမရှည်နဲ့ ငါနဲ့သာလိုက်ခဲ့...ဘွဲ့ရရင်ပြီးရောမို့လား”
သူ့အမေဆွဲခေါ်ရာနောက်ကို မငြင်းဝံ့ပဲကျော်ကြီးလိုက်ခဲ့ရသည်။
ခင်ဗျားတို့သွားရင်းလာရင်း...လမ်းကြုံရင် ဘုန်းကြီးကျောင်းကို ဝင်ပြီးအအေးလေးဘာလေးကပ်လိုက်ကြအုန်း...ကျော်ကြီးဘွဲ့နာမည်က
ရှင်ပညာနဒ္ဒတဲ့...သူ့အမေက တစ်ဝါဆိုမှထွက်ရမယ်ဆိုလားဘဲ...😬😬😬
ကျော်ကြီးဘွဲ့ရသွားလေပြီ😂😂😂
Crd
ငိ့ငိ့😁😁😁
Comments
Post a Comment