====================
တခါက ဗမာလူငယ်တစ်ယောက်ဟာ
သျှမ်းမလေးတစ်ယောက်နှင့် အကြောင်းပါလာကာ လက်ထပ်ထိမ်းမြားအပြီးမှာတော့ သျှမ်းမလေး
အိမ်မှာပဲ သားမက်တက်နေထိုင်ရသတဲ့ …
လက်ထပ်ပြီးလို့ တစ်ပတ်ဆယ်ရက်လောက်အကြာမှာ
သူငယ်ချင်းနဲ့ တွေ့တော့ ဝမ်းသာအားရ အလ္လာပ သလ္လာပ ပြောကြဆိုကြရင်း ရင်ဖွင့်ပါတော့တယ်…
`သူငယ်ချင်းရာ ငါလေ သျှမ်းမကို ယူမိတာ ငါးပါးကိုမှောက်တော့တာပါပဲကွာ´
`ဟာ ဘယ်လိုဖြစ်လို့လဲဟ´
`ဘာဖြစ်ရမှာလဲကွာ ~ ငါသျှမ်းမကို
ယူမိလိုက်မှ ခွေးလုံးလုံး ဖြစ်ရတော့တာပါပဲကွာ´
`ဟာ ဒါတော့ မဖြစ်နိုင်ပါဘူးကွာ၊အဓိပ္ပါယ်မှမရှိတာ၊
ပြောစမ်းပါအုန်းလေ မင်းအဖြစ်ကို"
"အေးကွာ၊ငါ့မိန်းမအမျိုးတွေပေါ့ကွာ
တယောက်ကလာပြီး ငါ့ကို ပီခွေးလို့ ခေါ်တယ်၊
ဒါနဲ့တင် မပြီးသေးဘူး၊
နောက်တစ်ယောက်က နောင်ခွေးတဲ့ကွာ။နောက်တစ်ယောက်ကကျပြန်တော့ အာ့ခွေးတဲ့ကွာ။ငါ့လခွမ်းတဲ့မှပဲ ခွေးချည်းပဲ ခေါ်ခံနေရတော့တာပဲ၊ အဲ့ဒီထဲမှာ ငါ့မိန်းမရဲ့အဖိုးက ခေါ်တဲ့ခွေးဟာ အဆိုးဆုံးပဲဟေ့"
"ဘယ်လိုများခေါ်လို့လဲဟ"
"လမ်းခွေး - တဲ့ကွာ ၊
အဲ့ဒီ လမ်းခွေး လို့ ခေါ်ခံရတိုင်း
ငါ တော်တော်ဒေါသဖြစ်ရတယ် သူငယ်ချင်းရာ" ဟူသတတ် …။
_ _ _ _ _ _ _ _ _ _ _ _ _ _
အမှန်မှာ-
(ပီခွေး - အမ၏ ယောက်ျား
နောင်ခွေး-ညီမ၏ ယောက်ျား
နာခွေး-အမေ့ညီမ၏ယောက်ျား
အာ့ခွေး-အဖေ့ညီမ၏ယောက်ျား
လုတ်ခွေး-သမီး၏ယောက်ျား
လမ်းခွေး-မြေးမ၏ယောက်ျား)
---------------------------
#Aung Kaung
Credit#
မှတ်ချက် - ဟာသ သဘောဖြင့်သာ ဖတ်ကြပါရန်
Credit toPhoto
Comments
Post a Comment