ချောတယ်လို့

 "အေးကြည်မ ... ရော့ "

"ဟဲ့ ... အဲဒါဘာတုန်း "

"ရည်းစားစာ ... "

"ဗုဒ္ဓေါ... "

အေးကြည်မက

 အံ့ဩလွန်းလို့ 

ရင်ဘတ်ကိုဖိထားရတယ် 

ငြိမ်းမောင်ကတော့ 

ခပ်တည်တည်ပဲ

"ယူလေ ... "

"အိ ... မယူပါဘူး "

"အင့်ဟာ ... ယူ "

ငြိမ်းမောင်က စာကို

အေးကြည်မလက်ထဲ

ထိုးပေးပြီး

ပြန်သွားရော ... 

အေးကြည်မတစ်ယောက်လမ်းပေါ်

မတ်တပ်ရပ်ပြီး ဘာလုပ်ရမှန်းမသိ ငူတူတူကြီးကျန်နေခဲ့ရော

သိလည်း သိချင်သေး၍ စာကိုဖွင့်ကြည့်လိုက်လေတော့

"ကျစ် ... ငြိမ်းမောင်တော့ငါ့ကို ပညာပြသွားပြီ "

ရေးထားသည်က အင်္ဂလိပ်စာများဖြစ်သည် ... 

သူမလည်း မဖတ်တတ် 

မဖတ်တတ်၍ ပိုသိချင်လာသဖြင့် အိမ်ရောက်မှ တူဖြစ်သူအား

ဖတ်ခိုင်းမည်ဟုကြံကာ အိမ်ပြန်လာခဲ့တော့သည် 

"တူလေး ... ဒါလေးဖတ်ပြ "

"ဘာလေးလဲ "

တူတော်မောင်က အေးကြည်မလက်ထဲမှစာအား ဆွဲယူလိုက်ပြီး

ဖွင့်ကြည့်လိုက်သည် ... ပြီးနောက် 

"မုန့်ဖိုးပေးမှ ဖတ်ပြမယ် "

"အေးပါဟယ် ... နှစ်ရာ ပေးမယ် "

"မရဘူး ... တစ်ထောင်ပေးရမယ် "

"ဟော ... "

"မပေးလည်းရတယ်နော် ... မဖတ်ဘူး "

"ပေးမှာပါဟာ ဖတ်ပြနော် "

"ပြီးရော ... "

ငတိက စာရွက်ကိုဖွင့်ကာ ကြည့်ပြီးပြုံးလိုက်သေးသည် 

အမှန်တော့ သူလည်းသေသေချာချာမသိ ... 

ရှစ်တန်းနှစ်ခါ ကျထားသူဖြစ်၏ 

"ယူအာမိုင် စကိုင်း "

"You are my sky "

"အဲဒါ ဘာလဲဟဲ့ ... "

"နင့်ဖက်က စပြီး ကိုင်းပေးပါ ... "

"ဟဲ့ ... ဘယ်လိုတုန်းဟ "

အေးကြည်မ တွေး၍မရချေ ... 

ပထမဆုံးမို့ နာမလည်ခြင်းဖြစ်နိုင်သည်ဟုတွေးလိုက်၏ 

"ဆက်ဖတ် ... "

"အိုင်အမ် သယ် ဘရိုက်ဂျက် စတား "

"I am the brightest star "

"ပြောပါဦးဟဲ့ "

"မင်းကို အလင်းရောင်ဝင်တဲ့အထိ ကျယ်အောင်လုပ်ပေးမယ် "

"အို့ ... ဘယ်လိုကြီးတုန်း "

အေးကြည်မအဖြေရှာရ ပိုခက်လေပြီ ... 

ဘာတွေမှန်းမသိ 

"ဆက်ဖတ်ပါဟာ ... "

"အိုင်ဟုပ် ယွာ လက်ဖ်"

"I hope your love "

"အေး ... အဲဒါ ဘာတုန်း "

"ငါ မင်းရဲ့ လက်ကို ဟက်မယ်တဲ့ ... "

"ဘာ ... "

"အသ်ဖ်ယူ လက်ဖ်မီ ရီတန်းဘက်ခ်တူမီ "

"If you love me,return back to me"

"အဲဒါက ဘာလဲ "

"မင်း ငါ့လက်ကိုပြန် ဟက်ချင်ရင်တော့ ငါတို့အတန်းဖက်ကိုလာခဲ့ပါ

တဲ့ ... "

"ဖွီး ... မိုက်ရိုင်းတဲ့ကောင် "

အေးကြည်မ လက်သီးကိုကျစ်ကျစ်ပါအောင်ဆုပ်လိုက်သည် ... 

ပြီးနောက် ငြိမ်းမောင်ရှိရာ တမာတန်းဖက်သို့ ထွက်လာခဲ့လေတော့သည်

သူမကို ကျယ်အောင်ချဲ့မည်လည်းပြောသည် လက်ကိုလည်း

ကိုက်ဦးမည် ... သူမအားလည်း လက်ပြန်ကိုက်ခိုင်းသေးသည် 

တွေ့ပြီ ... ငြိမ်းမောင်တော့ တွေ့ပြီ ... 

"ငြိမ်းမောင် ... "

"ဟင် ... အေးကြည်မ "

"ဖြန်း ... "

"ရော့ ... ပြန်ယူ "

ငြိမ်းမောင်ခမျာ စာရွက်ကလေးကိုင်ပြီး ပါးလေးပွတ်ကာ

ကျန်နေခဲ့လေတော့သည် ... 

စိတ်နာနာနဲ့စာရွက်ကလေးပြန်ကြည့်တော့ ကျောဖက်မှာ

စာပြန်ရေးထားတာတွေ့လိုက်ရသည် 

"ခန့်ဇော် ဒုတိယနှစ်ရှစ်တန်း ရမ်းသမ်း ဘာသာပြန်ပေးလိုက်သည် ... "တဲ့ 

"ဖွီး ... သောက်ကလေး ဒီတစ်နှစ်လည်း စာမေးပွဲအောင်မှာ

မဟုတ်ဘူး ... "

😞

မှတ်စမ်း အင်္ဂလိပ်လို ရည်းစားစာပေးချင်ဦး 😣

.

.

.

.

.

.

.

.

Credit to original writer.

#လူကြီးမင်း