ချောတယ်လို့

😌ဘုန်းဘုန်း! တောင်ပြုံးပွဲ မသွားဘူးလား"

 ဟမ်! 😏

ကျုပ်က ဘာသွား လုပ်ရမှာတုန်း အဲ့ဒီကောင်တွေဆီကို "

" ဟာ-ဘုန်းဘုန်းကလည်း ကိုယ်တော်ကြီး ကိုယ်တော်လေးတို့ကို 'အဲ့ဒီကောင်'တွေလို့ မပြောရဘူးဘုရား! "

" ဟ! ဘာဖြစ်လို့တုန်းဗျ၊ အဲ့ဒီ အရက်သမား ကြက်သမားတွေကို လေးစားနေစရာ မလိုပါဘူး "

" အာ--ဘုန်းဘုန်းကလည်း ပြောမှ ပိုဆိုးနေပါပြီ ဒုက္ခပါပဲ "

" အံမယ် ကျုပ်ပြောတာ မဟုတ်ပါဘူးဗျာ၊ 

သူတို့မယား(နတ်ကတော်)တွေ ကိုယ်တိုင် ပြောတာပါ၊ ဘာတဲ့ အရက်သမား မှန်ရင်နော်ဗျာ ယှဉ်ပြိုင်ကာ သောက်လိုက်ချင်တယ်၊ ကြက်သမား မှန်ရင်နော်ဗျာ ယှဉ်ပြိုင်ကာ တိုက်လိုက်ချင်တယ်'တဲ့ ကြားဖူးဘူးလား ကဲ "

" ကြောက်ဘူးလား ဘုန်းဘုန်း"

" ကြောက်ပါဘူးဗျာ၊ အမူးသမားတွေကိုများ 

ဘာကြောက်စရာ ရှိမှာတုန်း! ဆောင့်တွန်းလိုက်ရင် ပက်လက်လန် လဲသွားမယ့် ကောင်တွေ "

" အံမလေး တပည့်တော်တို့ဖြင့် ပြောရဲပေါင်ဘုရား၊ ကြောက်ပါ့ "

" ရပ်ကွက်ထဲမှာ လူနှစ်ယောက် ရှိတယ်ဆိုပါစို့ဗျာ၊ 

တစ်ယောက်က အရက်သမား ကြက်သမား၊ 

တစ်ယောက်က အရက်မသောက် ကြက်မတိုက်၊ 

ရိုးရိုးသားသား၊ တစ်ယောက်ယောက် စကားကို နားထောင်ရမယ်ဆို ဘယ်သူ့စကားကို နားထောင်မှာလဲ ပြောကြည့် "

" ရိုးရိုးသားသား လူစကား နားထောင်မှာမှာပါ့ဘုရား၊ အရက်သမား ကြက်သမား ဘယ်သူက လေးစားလိမ့်မှာတုန်း"

" အင်း ဒါနဲ့များ တောင်ပြုံးပွဲမှာ လူစည်ချက်တော့ 

ကားတွေတောင် ပိတ်တယ်ဆိုပဲ၊ 

အရက်သမား၊ ကြက်သမားတွေဆီမှာ သွားပြီး ပူဇော်ပသကြ၊ လိုချင်တာတွေ သွားတောင်းကြတာတဲ့၊ 

ရနေပါဦးမယ် အားကြီးကြီး၊ ဟိုကကောင်တွေက ကြက်ရှုံးတာနဲ့ စိတ်ညစ်ညစ်နဲ့ မူးအောင်သောက်ပြီး လဲနေလို့ သူတို့ကိုယ် သူတို့တောင် ထူနိုင်မှာ မဟုတ်ဘူး "

" အာ ဘုန်းဘုန်းကလည်း အဲဒီလိုမပြောပါနဲ့၊ 

အချို့တွေကိုဆို တကယ် မ,တာ ဘုရာ့ "

" ဟုတ်တယ်လေ၊ မ, မ, သွားလို့ ရှိတာလေးတွေ 

ကုန် ကုန် သွားတာ မဟုတ်လား"

" အယ် ဟုတ်ဘူးလေ ဘုရား၊ 

စီးပွားတိုးတက်အောင် လုပ်ပေးတာကို ပြောတာဘုရာ့ "

" ကဲဗျာ! တကယ်ချမ်းသာအောင် လုပ်ပေးနိုင်တာဖြင့်လည်း တောင်ပြုံးပွဲကို တစ်လ တစ်ခါလောက် ကျင်းပကြပါတော့လား? 

အဲ့ဒါဆို တစ်နိုင်ငံလုံး ချမ်းသာပြီး စင်္ကာပူတင် မကဘူး ဂျပန်တို့ အမေရိကန်တို့ကိုတောင် ကျော်တက်သွားဦးမယ် ဟုတ်ဘူးလားဗျာ"

" အဲ--ဟုတ် - အဲ - တင်ပါ့ "

😂😂😂😂😂😂😂😂

#crd_