ချောတယ်လို့

`ရှင်သန်လိုစိတ် မရှိတော့တဲ့အခါတိုင်း ပြုံးပါ 

မပြုံးလိုက်ရပဲ

ကုန်ဆုံးသွားတဲ့နေ့ရက်တွေတိုင်းမှာ

ဘဝက ကတယ် မပျော်စရာကြီး

တစ်ချို့ လောကဓံတွေက

ဟာသ လုပ်ပစ်လိုက်မှ သက်သာတယ်

တစ်ချို့သော ဒဏ်ရာတွေကျ

ပြုံးထားနိုင်မှ အဆင်ပြေတယ်

စိတ်ညစ်စရာတွေအရမ်းများလွန်းတဲ့အခါ

ဘယ်လောက်ပဲ ပြုံးထား ပြုံးထား

တကယ်ပျော်လာမှာတော့ မဟုတ်ပါဘူး

ဒါပေမယ့် ပြုံးထားပါ

ဘာဖြစ်လို့လဲဆိုတော့

အရာရာကို အပြုံးနဲ့ ရင်ဆိုင်တတ်ခြင်းဟာ

စိတ်ညစ်နေတာထက်စာရင်တော့

ခွန်အားတွေ တိုးစေသလို

ကိုယ့်ကိုယ်ကိုယ်လည်း

ယုံကြည်မှုတွေ ပိုရှိလာစေတယ်လေ

ရှုံသွားတာခြင်း တူရင်တောင်

ပြုံးထားတဲ့သူက သာတယ်

စိတ်ဓာတ်ကျတာခြင်း တူရင်တောင်

ပြုံးထားသူက ပြန်ထလာဖို့ လမ်းစတွေ့နိုင်တယ်

ဒုက္ခရောက်တာခြင်း တူရင်တောင်

ပြုံးထားတဲ့သူက စိတ်သက်သာရာရတယ်

အသည်းကွဲတာခြင်း တူရင်တောင်

ပြုံးထားနိုင်တဲ့သူက ခံနိုင်ရည် ပိုရှိတယ်

ပြုံးထားရုံနဲ့

တစ်ချို့ပြဿနာတွေ

ပြေလည်မသွားဘူးဆိုတာ သိပါတယ်

ပြုံးထားရုံနဲ့

စိတ်ညစ်စရာတွေ 

တကယ်ပျောက်မသွားဘူးဆိုတာ သိပါတယ်

ဒါပေမယ့် ပြုံးထားပါ

ဘာမှ ထွက်ပေါက်ရှာမရရင်တောင်

အနည်းဆုံးတော့

ကိုယ်အဆင်မပြေတာတွေ လူမသိတော့ဘူးပေါ့

ကိုယ့်ထိခိုက် နာကျင်ခြင်းတွေအတွက်

လှောင်ရယ်မခံရတော့ဘူးပေါ့

အဆင်မပြေလဲ ပြုံးပါ

ရှင်သန်လိုစိတ် မရှိတော့တဲ့အခါတိုင်း ပြုံးပါ

အဆိုးလောကဓံတွေနဲ့ပဲကြုံကြုံ

အကောင်းလောကဓံတွေနဲ့ပဲကြုံကြုံ

ပျော်ရွှင်သည်ဖြစ်စေ

ဝမ်းနည်းသည်ဖြစ်စေ

အရာရာကို အပြုံးနဲ့ရင်ဆိုင်တတ်ခြင်းကလဲ

ဘဝနေနည်းတစ်မျိုးပါပဲ … … … … … ။

#အရှင်ဇဝနသူ့စိတ်ကြိုက်စာပေများ