ချောတယ်လို့

🤫#ခင်ပွန်းကြီးဆယ်ပါးကန်တော့နည်း🤗

😂😂😂😂😂😂😂😂😂😂😂😂😂

ကျွန်တော်တို့ရွာမှာ ဒေါ်တုတ်ဆိုတဲ့ 

မုဆိုးမကြီးတစ်ယောက်ရှိတယ်ဗျ

မုဆိုးမဆိုပေမဲ့ သာမန်ညောင်ည 

မုဆိုးမတော့ မဟုတ်ဘူးရယ်...

ကလေး ၈ယောက်တောင်မွေးထားတာဗျ

အယ် ကိုယ့်လူရယ်

ကလေး ၈ ယောက် မွေးတဲကွာ 

ဆန်းသလားဆိုပြီး ပြောစရာရှိပါတယ်

ကျွန်တော်ပြောပြယင် ခင်ဗျားတို့ 

မအံ့သြကြနဲ့အဲ့ကလေး ၈ယောက်လုံး

တစ်ဖအေထဲမဟုတ်ဘူး...

အားလုံး အမေတူ ဖအေကွဲတွေချည်းပဲ 

.ကလေး ၈ယောက်ဖအေကလည်း

 ၈ယောက် ကွက်တိပဲ

အဖေနာမည် ၂ယောက် ထပ်သွားတဲ့ကောင်

တောင်မပါဘူး ရှင်းရော,,,

ဘယ်လိုဖြစ်တာလည်းတော့မမေးနဲ့ဗျ,,,,

ယောင်္ကျားတစ်ယောက်ယူလိုက် သေလိုက်

ကွဲလိုက် သူများနောက်လိုက်သွားလိုက်,,,

ထောင်ကျသွားလိုက် အစုံပါပဲ,,အဲ့လိုနဲ့

ကုန်းဘောင်မင်းဆက်လို တစ်ယောက်ဆင်း

တစ်ယောက်တက်နဲ့ လင်မင်းဆက် ၈ဆက်

မြောက်မှာထီးကျိုးစည်ပေါက်လင်ဆက်

ပျောက်ခဲ့တာ ခုထိပဲ။

ဘယ်နှစ်မုဆိုးပြီး ဘယ်နှစ်ခုလပ်လို့ ဘယ်နှစ်

လင်ကွာလည်း စာရင်းအိအကျမသိလို့သာ

မုဆိုးမလို့ ကင်ပွန်းတပ်ထားတာ,,,

ကိုင်း မုဆိုးမကြီး ဒေါ်တုတ်အကြောင်း

ဒီလောက်ဆို လိပ်ပတ်လည်ရောပေါ့,,

 ဆက်ပြောရအောင် ဇာတ်လမ်းလေးက 

ဒီလိုဗ်,,,,,,,,,,,,

တစ်နေ့ ရွာဦးကျောင်း ဆရာတော်ဆီ

ဒေါ်တုတ်ကြီးက ဆွမ်းသွားကပ်တယ်

ဆရာတော်က 

``ဟဲ့ ဒကာမကြီး ဘာဆွမ်းတုန်းဟဲ့´´

``တင်ပါ့ ,...ဘာရယ်မဟုတ် ပါဘူးဘုရာ့

အလုပ်အားတုန်း တတ်နိုင်တာလေး

ချက်ပြုတ်ပြီး ဆရာတော့်ကို လာကပ်တာပါ

ဘုရား´´

``အိမ်း သာဓုကွယ် ဒကာမကြီးလည်း 

ကလေးတွေတသီကြီးနဲ့ ရုန်းကန်နေရတာ

ပင်းပန်းလှသကွယ် ..အင်း လူရယ်လို့ဖြစ်

လာရင် လောဘ ဒေါသ ပရိဒေဝတွေနဲ့ 

လောင်မြိုက် ကြရစမြဲလေ...´´

``တင်ပါ့ဘုရား´´

``ဝဋ်ကြွေးရှိယင် ကျေအောင်ဆပ်ရတယ်

ဒကာမကြီး အားတဲ့အချိန် ဘာသာရေးလည်း

လုပ် ဟုတ်ပလား´´

``တင်ပါ့´´

``အိပ်ယာဝင် အိပ်ယာထတိုင်း 

ခင်ပွန်းကြီးဆယ်ပါးကို ကန်တော့အိပ်

 မကောင်းတဲ့ဘေးမကောင်းတဲ့ရန်တွေပယ်လို့ 

 လက်ငင်းဒိဋ္ဌချမ်းသာရသကွဲ့´´

``တင်ပါ့ဘုရား လိုက်နာပါ့မယ်´´

အဲ့လိုနဲ့ ဆရာတော်ကို ဦးတိုက်ပြီး ဒေါ်တုတ်

တစ်ယောက် အိမ်ပြန်ခဲ့တယ်။ အဲ့နေကစပြီး

ဆရာတော့် မိန့်ကြားချက်အတိုင်း ခင်ပွန်းကြီး

ဆယ်ပါး ကန်တော့ခန်း စပါရောလား။

တပတ်လောက်ကြာတော့ ရွာသူကြီး ဦးဘတူ

ရယ် ငိုမဲ့မဲ့နဲ့ ဆရာတော်ဆီရောက်လာတယ်

``အရှင်ဘုရား ဘယ်လိုလုပ်လိုက်တာလည်း

ဘုရား ရက်စက်လှချေလားဘုရား ´´

ပြောပြောဆိုဆိုနဲ့ သူကြီးရယ် ချုံးပွဲချပြီး ငို

တော့တာ ။

``ဟ တကာသူကြီး နင့်ကို ဘုန်းကြီးဘာ

လုပ်မိလို့တုန်း ဟ စွပ်စွပ်စွဲစွဲ´´

``ဟုတ်တယ် ဆရာတော့်ကြောင့် အီးဟီး

ဆရာတော့်ကြောင့် ကျုပ်မိန်းမ အိမ်ပေါ်က

ဆင်းသွားတာ အီးဟီးဝါး ´´

``သယ် ဒီသူကြီးတော့ ကြိမ်လုံးခုံတိုးနေပြီ

နင့်မယား င့ါကျောင်းမလာတာတောင်

 နှစ်ပေါက်နေပြီဟဲ့ ငါ့ကိုရှင်းအောင်ပြောစမ်း´´

ဆရာတော်ပေါက်ကွဲလာတော့ သူကြီးနဲနဲ

ငြိမ်သွားတယ် ကြောက်ရသည်ကိုး.,..

``ဒီ ဒီလိုပါ ဆရာတော် ဘုရာ့ ဆရာတော်က

မုဆိုးမဒေါ်တုတ်ကို ခင်ပွန်းကြီးဆယ်ပါး

ကန်တော့ အိပ်ဖို့ မိန့်လိုက်တယ်လေ´´

``ဟဲ့ ခင်ပွန်းကြီး ဆယ်ပါး ကန်တော့တာနဲ့

နင့်မိန်းမ အိမ်ပေါ်ကဆင်းတာ ဘာဆိုင်တုန်း

တယ်လေ ငါလုပ်လိုက်ရ´´

``သီး သီးခံတော်မူပါဘုရား မိတုတ်ဘယ်လို

ကန်တော့တာလည်း တပည့်တော် ရွတ်ပြပါ့

မယ်ဘုရား´´

သူကြီးရယ် ဒေါ်တုတ်ပုံစံအတိုင်း 

ဆရာတော့်ရှေ့ကျုံကျုံလေးထိုင်ပြီး စရွတ်ပြ

ပါတော့တယ်.,.

``ဘုရားအမှူးထား၍ သမာဒေဝနတ်များအား

တိုင်တည်ပါ၏ဘုရား ကျွန်မ၏ ပထမခင်ပွန်း

အမူးလွန် အန်ဖတ်စို့၍ သေသွားရှာသော

အကြီးကောင် သံချောင်းအဖေ ကိုတာတေ

အား ကန်တော့ပါ၏ ဘုရား´´

``အမ်...ဘယ့်နှာကြီး တုန်း´´

သူကြီးအသံကြောင့် ဆရာတော်လည်း ခင်မျာ

နှစ်ရာတန်ပလာတာ တချပ်စာနီးနီး ပါးစပ်ကြီး

ဝိုင်းသွားတယ်...,

``တောင်ပိုင်းဖဲဝိုင်းမှာ ဓားထိုးခံရပြီး

မာလကီးယားသွားတဲ့ ကျွန်မရဲ့ ဒုတိယခင်ပွန်း

အောင်ထွန်းရဲ့ အဖေ အောင်ရွှေကိုလည်း

ကန်တော့ပါတယ်´´ 

``ဂါးးးးးးးးးး´´

``တော်သူကြီး အဲ့ ဟာမကို ခုချက်ချင်း 

အခေါ်လွှတ်စမ်း လင်တရူးမ လာပေ့စေ´´´

``တင်..တင် ပါ့ ဘု ရာ့ ´´

သူကြီး ဆက်မဆိုရဲတော့ပဲ ဒေါ်တုတ်ကို 

သူတပည့်တစ်ယောက်နဲ့ အခေါ်လွတ်တယ်

သိပ်မကြာလိုက်ဘူး 

ဒေါ်တုတ်တစ်ယောက် ယောဂီသဘက်လေး

ပခုံးတင်ပြီးပေါက်ချလာတယ်

``အရှင်ဘုရား အခေါ်လွတ်တယ်ဆိုလို့

ပါဘုရာ့´´

``အိမ်း မိတုတ် ငါက နင့်ကိုခင်ပွန်းကြီး

ဆယ်ပါး ကန်တော့ခိုင်းတာ နင်ကနင့်

လင်တွေကို ဘာကိစ္စကန်တော့နေရတာ

ုတုန်း လင်တရူးမရဲ့´´

``ဟင် ဆရာတော်ပဲ ခင်ပွန်းကြီးဆယ်ပါး

ကန်တော့ဆိုပြီး ဟွန့် ´´

ဒေါ်တုတ်က သူမမှားဘူးဆိုတဲ့ မျက်နှာထားနဲ့

ဆရာတော်ကို မျက်စောင်းပြန်ထိုးတယ်

``တယ်လေ ဒီဂန်းတာမ လုပ်လိုက်ရ

မကောင်းရှိရော့မယ်´´

ဆရာတော်ခင်ဗျာ သူစကားနဲ့သူ ကျိတ်မနိုင်

ခဲမရဖြစ်သွားတယ်။ ဒါကို သူကြီးက မကျေ

မနပ် ဝင်ပြောတယ်

``တွေလားဘုရား တပည့်တော်ပြောတာလဲ

ပြောလို့ မရပါဘူးဘုရား အဆိုးဆုံးကတော့

နောက်ဆုံးနှစ်ပါးပါဘုရား အဲ့ဒါကြောင့်ပဲ

တပည့်တော် မိန်းမလည်း အိမ်ပေါ်က ဆင်း

သွားတာပါပဲ ဘုရား´´

``ဟေ ဟဲ့ မိတုတ် အဲ့ဒီနောက်ဆုံးနှစ်ပါး

ငါ့ကို ရွတ်ပြစမ်း ´´

ဒေါ်တုတ်က သူ့ပညာစမ်းတယ် အမှတ်နဲ့

မျက်နှာတချက် မချိပြုံးလေး ပြုံးသွားပြီး

``ဒါလေးများ ဆရာတော်ကလဲ ဟွင်း ဟွင်း´´

``အဟမ်း သုံးလောကထွဋ်ထား မြတ်စွာ

ဘုရား ဆရာတော်မိန့်ကြား ဆယ်ပါးသော

ခင်ပွန်းများအနက် တပည့်တော်မတွင် လင်

၈ယောက် ခင်ပွန်းရယ် ၈ပါးသာရှိပါသဖြင့်

တပည့်တော်မတို့ယုံကြည်ကိုးစား ပုဂ္ဂိုလ်

များဖြစ်သော ရွာလူကြီး ဦးဘတူနဲ့

ဆရာတော်ဘုရားအား နှစ်ပါးဖြည့်စွက် 

လက်ဆယ်ဖြာမိုး ရှိခိုးအပ်ပါသည် ဘုရား´´

ဒေါ်တုတ် ကန်တော့ချိုးဆုံးတယ် ဆိုရင်ပဲ

ဆရာတော်ဒေါသလုံး ဟုန်းဟုန်းတောက်ပြီး

``ဖြောင်း´´

``ဗိုင်းတာမ... သူကြီးပါတာ ငါစိတ်သိပ်

မဆိုးဘူး...ငါဟာငါနေတာကို လာဆွဲထည့်

ချင်အုံး ကဲဟာ ...´´

``ဖြောင်း...´´

``ဖြောင်း...´´

``အောင်မလေးတော့ .. ကြည်ညို လွန်းလို့

သူတို့နှစ်ပါး ဆွဲစားမိပါရဲ့ ကိုးကွယ်မိတာကိုမှ

မထောက်တော် အမလေး ခင်ပွန်းကြီး....

၈ ယောက်ကယ်တော်မူကြပါအုံးတော်

အီး ဟီး ဟီး ´´

😢😢😢

😁😁😁

🤩🤩🤩🤩🤩🤩🤩🤩🤩🤩🤩🤩🤩

ဘဝ အမောများပြေလျော့နိုင်ကြပါစေ

မူရင်းရေးသားသူအားခရက်ဒစ်ပေးပါတယ်

Via.Soelamin.. မှ.မျှဝေပါသည်