ချောတယ်လို့

💥မယ်ကန့်လန့်💥

ရွာတစ်ရွာမှာဘဲဆိုပါတော့-- ။ မိန်းမလုပ်တဲ့သူဟာ ယောင်္ကျား ရဲ့ စကားကိုအမြဲတန်းကန့်လန့်တိုက်တတ်တယ် ။ ဆန့်ကျင်ဘက်လုပ်တယ် ။ ယောင်္ကျားက အဖြူဆိုရင် သူက မဲတယ် --။ မိန်းမအထာသိတဲ့ယောင်္ကျားက ဘာလုပ်ချင် လုပ်ချင် အမြဲဆန့်ကျင်ဘက်ကိုပြောမှ သူဖြစ်ချင်တာဖြစ်ရတယ်

-- ဥပမာ - `` မိန်းမရေ ဒီနှစ် ဘုန်းကြီး ဆွမ်းမကပ်တော့ဘူး ကွာ `` 

`` အို ဘယ်ဖြစ်မလဲ -- ဆွမ်းကပ်ကိုကပ်မယ် `` 

`` ဒါဆိုလဲကွာ - တစ်ပါးလောက် -အဖြစ်ကပ်လိုက်ပေါ့ ``

``ဖြစ်မလား အနည်းဆုံး ငါးပါး ဘဲ --`` 

``အင်းလေ မင်းသဘောပါဘဲ - လူကိုတော့ အိမ်နီးချင်း ခေါင်းရင်း - ခြေရင်းလောက်ဘဲ ဖိတ်ပေါ့ `` 

``မရပါဘူး မိတ်ဆွေတွေ အားလုံးကို ဖိတ်မယ် ``

ဒီလိုဘဲ သူဖြစ်ချင်တာ ရဘို့ မိန်းမကိုဆန့်ကျင်ဘက်ပြောပြောနေရတာ ကြာတော့ငြီးငွေ့လာတယ် 

--တစ်နေ့တော့ အခွင့်ကြုံလာတယ် - သူနဲ့ သူ့မိန်းမဟာ ခရီးတစ်ခုသွားရင်း ရေစီးသန် တဲ့ချောင်းတစ်ခုကို အဖြတ်မှာ မိန်းမဖြစ်သူ ခြေချော်ပြီး ရေစီးသန်တဲ့ချောင်းထဲကို ကျသွားတယ် ။ ရေစီးနဲ့ အတူအောက်ဘက်ကိုမျောပါသွားပြီး ကယ်ပါယူပါ အော်ဟစ်လျှက်ပေါ့ ။ ယောင်္ကျားဖြစ်တဲ့သူဟာ ရေစီးအတိုင်း မလိုက်ဘဲ ချောင်းအထက်ဘက်ကိုပြေးကာ

`` မပူနဲ့ မိန်းမရေ ငါလာပြီ -- ငါလာပြီလို့ ``အော်သတဲ့။ 

မိန်းမ ဟာကံကောင်းလို့ သစ်ကိုင်းတစ်ခု ကိုဆွဲမိပြီး သူ့ဘာသာ ကမ်းပေါ်ကိုတတ်လာနိုင်တယ် -- နောက်ယောင်္ကျားလုပ်သူကို ရန်တွေ့တော့တယ်-- 

`` ဘယ်လို လုပ်တာလဲ မိန်းမတစ်ယောက်လုံး ရေစီးအတိုင်းမျော သွားတာကို ချောင်းအပေါ် ဘက်ကိုဘာဖြစ်လို့ သွားတာလဲ ``

`` ငါလဲ ပထမတော့ အဲသလို လိုက်ဘို့ ပါဘဲကွာ -- ဒါပေမယ့် မင်းက အမြဲတန်း ဆန့်ကျင်ဘက်သမားဆိုတော့ သူများတွေလို ရေစီးအတိုင်း မမျောဘဲ ရေဆန်အတိုင်း မျောလာမယ်ထင်လို့ ဟေ့ 

`` အဲဒီနေ့က စပြီး မယ်ကန့်လန့်တစ်ယောက် ဆန့်ကျင်ဘက်မလုပ်ရဲတော့ဘူးတဲ့ ။။ 

(မိတ်ဆွေများ ခင်ဗျား ---ခင်ဗျားတို့မိန်းမ ပြောမကောင်းရင် ရေစီးသန်တဲ့ချောင်းထဲ တွန်းချပေတော့)

စတာနော်...တကယ်မလုပ်နဲ့အုံး.....ကျုပ်ကိုလာ....ရန်တွေ့နေမယ် :)

စိတ်ကျဉ်းကြပ်၊ရှုတ်ထွေးမှုများကြားမှ တဒင်္ဂလွတ်မြောက်စေရန် အတွက်သာရည်ရွယ်ပါသည်။

ဘာသာပြန်ဟာသများအဖြစ်ဖတ်ရန်-

#ရွှေအိမ်စည်

#ဖေ့ဘုတ်ဟာသကမ္ဘာ