တစ်နေ့ အဖိုးအိုတစ်ယောက်
ပန်းခြံထဲမှာ အေးအေးလူလူထိုင်ရင်း
စာဖတ်နေစဉ် လူရွယ်တစ်ဦး အနားကို
ရောက်လာခဲ့ပါတယ် ။
" ဆရာကြီးခင်ဗျာ !
ကျနော့ကို မှတ်မိပါလားဗျာ... ? ''
" မမှတ်မိတော့ပါဘူး..သားရယ်.....''
" ကျနော်ဆရာကြီးရဲ့
တပည့်တစ်ယောက်ပါဗျာ ''
" အော်..သားက
ဘာအလုပ်အကိုင်များ လုပ်သလဲ..? ''
" ကျနော် ကျောင်းဆရာဖြစ်နေပါပြီ
ဆရာကြီး ''
" သိပ်မွန်မြတ်တဲ့အလုပ်ပါပဲ !
ဆရာကြီးနဲ့အတူတူပဲပေါ့... ''
" အမှန်ပါဆရာကြီး ! တကယ်တော့
ကျနော် ကျောင်းဆရာဖြစ်လာခဲ့တာ
ဆရာကြီး ကို လေးစားလွန်းလို့ပါ.. ''
" ကဲ..ဆိုပါဦး ! ဘယ်လိုအကြောင်းတွေကြောင့်ပါလိမ့်... ''
လူရွယ်က ပြောပြပါတယ် ။
" ဒီလိုပါဆရာကြီး ! တစ်နေ့ ဆရာကြီး စာသင်ခန်းထဲမဝင်ခင် ကျောင်းသားတစ်ယောက်က အရမ်းလှတဲ့ သူ့နာရီအသစ်လေးကို အတန်းဖော်တွေကို ပြနေပါတယ်... ။
ကျနော် လိုချင်လွန်းလို့
သူမသိခင် ယူထားလိုက်မိပါတယ် ။
နာရီပျောက်သွားတာကို သိလိုက်ရတဲ့
အချိန်မှာ သူကဆရာကြီးကို တိုင်ပါတယ် ။
ဆရာကြီးက ပြောပါတယ်... ။
ပျောက်သွားတဲ့ နာရီကို
ပြန်ပေးကြပါလို့လေ... ။
ကျနော် ငြိမ်နေခဲ့ပါတယ်... ။
ဆရာကြီးက တံခါးတွေကို ပိတ်လိုက်ပြီး ကျောင်းသားတွေအားလုံး မျက်လုံး မှိတ်ခိုင်းလိုက်ပါတယ် ။
ကျနော့ရဲ့အိတ်မှာနာရီကို တွေ့ပြီးတာတောင် တစ်ယောက်မကျန်ရှာပြီးမှ အားလုံး မျက်လုံး ဖွင့်ခိုင်းပါတယ် ။
ဘယ်သူ့ဆီမှာ တွေ့တယ်လို့ ...
ဆရာကြီး လုံးဝမပြောခဲ့ပါဘူး ။
ကျနော် အရမ်းအရှက်ရခဲ့တဲ့နေ့ပါဗျာ !
ဆရာကြီးက ကျနော့ရဲ့အရှက်ကို
ကာကွယ်ပေးခဲ့ပါတယ်...။
ကျနော်ဟာ အဲဒီနေ့ကစလို့
ဒီလို အရှက်ရစရာအလုပ် ဘယ်တော့မှ မလုပ်တော့ဘူးလို့ ဆုံးဖြတ်လိုက်ပါတယ်...။ ဆရာကြီးရဲ့စေတနာကိုလည်း အပြည့်အဝ နားလည်လိုက်ပါတယ် ။
ဆရာကြီးကို ကျေးဇူးတင်လွန်းရုံမျှမက ဆရာကောင်း တစ်ယောက်ဖြစ်ဖို့
ဘာတွေ လိုအပ်တယ်ဆိုတာ
နားလည်လိုက်ပါတယ်... ။
ဒီအဖြစ်အပျက်တွေကို ဆရာကြီး မှတ်မိပါသေးလား ခင်ဗျာ ? ''
" သိပ်...မှတ်မိတာပေါ့သားရယ် !
ဒါပေမဲ့ နာရီကို ဘယ်သူယူထားလဲ
ဆိုတာကို ဆရာကြီးလည်း ဒီနေ့မှ
သိရပါတယ် ! နာရီကို ရှာတုန်းက
ဆရာကြီးလည်း မျက်စိကို
မှိတ်ထားခဲ့တာလေ... ''
🥰🥰🥰🥰🥰
Crd#Original Writer
#တာဇဲ
😁😁
မျှဝေသည်။
Comments
Post a Comment