သူတော်စင် တစ်ပါးကို
မတရားသော မင်းတစ်ပါးက
မီးပုံထဲပစ်ချထားချိန်တွင်
ခိုတစ်ကောင်က ပါးစပ်ထဲရေငုံပြီး
မီးပုံထဲအခါခါ လာလာ သွန်ချနေလေသည်..။
ထိုအခါ နံဘေးမှ ရပ်ကြည့်နေသောလူတို့က
၎င်းခိုသတ္တဝါအား
" အသင်၏ ဤမျှလောက်သော ရေဖြင့်
မီးငြိမ်းသွားမည် ထင်ပါသလား " ဟု
မေးကြရာ..
ခိုသတ္တဝါမှ.. " အိုလူသားတို့ ..
ကျွန်ုပ်ပါးစပ်အတွင်းရှိ ငုံထားသော ရေသည်
ဤမျှကြီးမားသောမီးအား မငြိမ်းသတ်နိုင်သည်ကို
ကောင်းစွာ သိရှိပါသည်။
သို့သော် ဘုရားရှင်
အရှေ့မှောက်ရောက်သည့်အခါ၊
ကျွန်ုပ်သည်မီးရှို့သူဘက်က မရပ်တည်ပါ။
ထို့အပြင် မတရားမှု ကို
လက်ပိုက်ကြည့်နေသော
လူတန်းစား စာရင်းထဲလည်းမပါချင်ပါ ။
မတရားမှု ကို လက် မခံသော၊
မီးငြိမ်းပေးသူစာရင်းတွင်သာ
ပါဝင်လိုသည့်အတွက် မိမိ တတ်နိုင်သမျှ ဖြင့်
မီးငြှိမ်းပေးနေခြင်းပဲ ဖြစ်သည် " ဟုပြောလေသည်။
မတရားတာကိုသိသိကြီးနဲ့ မမြင်ချင်ဟန်ဆောင်ပြီး
မဆိုင်သလိုနေနေတဲ့အထဲ ငါ ပါနေလားလို့
ကိုယ့်ကိုယ်ကိုယ် ပြန်မေးပါ။
အာဏာရှင် တကယ်မကြိုက်တာလား ဒါမှမဟုတ်
အာဏာရှင် စိတ်ကွက်မှာကြောက်လို့ တကယ်မကြိုက်ကြောင်း စိတ်ထဲကတောင်မပြောရဲတဲ့အထဲ ငါပါနေလား ကိုယ့်ကိုယ်ပြန်မေးပါ။
ကိုယ့်ကိုယ်ကိုယ်မေးရင် လိမ်လို့မရဘူးနော်။
“ကိုယ့်ရွေးချယ်မှုက ကိုယ့်သမိုင်းပဲ”
လူလိုသိတတ်တဲ့အထဲတော့ ပါအောင်လုပ်ကြအုံး။
နောင်လာနောက်သား ကလေးသူငယ်တွေက တနေ့နေ့တချိန်ချိန်မှာ “ဖေဖေမေမေ တို့က အဲ့ဒီတုန်းက ဘယ်လိုပါဝင်ခဲ့တာလဲ “ လို့မေးတဲ့အခါ ခွေးအ ကြီးလှည်းနင်းထားသလိုဖြစ်နေမှာမျိုးအဖြစ်ခံမှာလား။
Crd
💜💜
ReplyDelete🥰
ReplyDelete🔑🔑🔑
ReplyDelete